يوم السبت اللى فات الموافق 26 نوفمبر عملنا مظاهرة فستوكهولم أمام البرلمان السويدى و بعديها قمنا بمسيرة من أمام البرلمان حتى السفارة المصرية
المسافة حوالى 2 كم .. فالطريق كان معانا سماعات شغلنا عليها النشيد الوطنى و أغنية “يا بلادى يا بلادى” و أغانى لرامى عصام.
البوليس قفلنا شوارع عشان نعدى فالطريق و دى كانت حاجة تخنق بصراحة .. مبقتش عارف آخد واحد منهم بالحضن و أعيط على حظنا الهباب اللى رزقنا بشرطة مهببة ولا اقولهم يطلعوا يجروا ورانا عشان أحس بالجو بتاع التحرير!
انا حاطط فيديو للكلمة اللى قلتها و فيديو للمدونة أفراح ناصر اللى إتكلمت فالمظاهرة برضو و فيديو للمسيرة و الهتاف أمام السفارة.
هو الكلام دة كله كان من الساعة 3 لحد 8 بس للأسف الشمس مش بتطلع هنا فالشتا فالدنيا ضلمة و كان فى رياح شديدة و حاجات كدة 
